وين رحلت

ترف وين ارحلت ... جاوبني يهواي ؟
سمة اعيوني صفت ومحملة اغيوم
تعال ارجوك لا يفتكهة الفراك
وترة العذال تعرف كامت اتحوم
اضيع وداعتك من يمر طاريك
مثل ضيعة نهار ابحلك الغيوم
وتعرف ما أموت ابفركتك ليش ؟
اخافنك ترد تلكاني مامش
بكتاب العشك جان اسمي عنوان
الف وسفة البعد خلاني هامش
على شوفك اناطر صارلي اسنين
مالازم تجي ورجعلي طارش
كلي اكطع الضنة وكلي مااجيك
اموتن خاطر المن باقي عااااايش
بعدك صرت لوحة ابمتحف الموت
تعال وردلي روحي وصير عيسة
تعال وخلي يحيى المتحف المات
وجامع حبنة يحيى اوية الكنيسة
ماماشيت حتى اخيالي بجفاك
بس الصفنة بعدك رافكتني
صورك علكتهة اعلة الحياطين
ضجت من خلصن علكت متني